Haturan ka wargi pangling-ngeling kana datangna poe balitungan.
KIYAMAH
Kenging : Undang Sumargana
Ting
burisat cahya kilat
Ngalentab
ngahuru jagat
Ngageleger
sora gugur
Langit
genjlong bumi eundeur
Hujan
rongkah,
caah
bedah teu katadah
Bumi
ngaplak taya sisi
Lautan
pindah kadarat
Pangeusina
ting koceak
Jeritna
mapakan langit
Tinggal
raga taya nyawa
Ngagulung
nyarah jeung runtah
Langit
rungkad.
Ngalingkup
murulukeun bentang
Muragkeun
bulan, ngabahekeun panon poe
Jagat
ancur nggulung jadi lautan
Taya
sesa sakabeh anu nyawaan
Sukmana
geus ting belasat ngabaliur kabuana
Tinggal
raga patulayah nyangkere geus jadi bangke
Reup
jagat simpe rehe
Nunggu
hudang digebrag kumpul di alam masyar
Balitungan
panungtungan, tinimbangan maha adil
Rek beurat kamana timbangan urang?
Katuhu
alamat surga sumber kana kabagjaan
Atawa
Kenca
Alamat
nandang tunggara ngarasa siksa naraka
Wallahu
Alam
Gumantung
ka pepelakan dina lampah kahirupan.
Tasik
Pakidulan, 07 Desember 2022